 |
| Lukisan: Senja menanti - Heno Airlangga, 57cm x 71cm, 2018 |
SOROP ARE ATE
TASEBBIT
Langnge’
koneng ngocernang
E
tabun bara’ mano’ dalko’ elang
Etopowe
ondhem sorop are
Sanonto,
bula kadibi’ semmo amempe
Gella’
gi’ laggu dika gi’ ngoca’
Kerrong
talebat akantha oreng pelka’
Le’er
akantha eradda’ cekka’
Coma
dika ta’ asa’-kasa’
Dhu,
Ale’, se ngagem ales tanggal sakaleyan
Maddha
mesem e taneyan
Eamba’a
kalaban minnyan Gappora
Kembang
se bau malathe moksa
Saenggana
dika ta’ ngalemba’
Sanajjan
e dhalem mempe
Sabarinto,
ate bula tasebbit
Amarga
kerrong se ta’ kasambit
18/01/2020
…………………………………………..
MADDU PADDUNA
MALEM
Cellep
ebbunna malem
Sokma
ngerrem akoleya’ mesem
Aeng
ebbun nyarepsep kole’
Angen
ngalemba’ aparsemmon pae’
Duwa
ngetter campor binor
Kulhu
songsang nyangsang ekaposang
Hujin kahkahujin rohaymawujin
Tof’ ajin-anjin anjin
Kalaras
mate aradda’
Dhu,
Guste se amorba jagat alam
Nyo’on
jau tanges
cerreng
Nyo’on
kerreng aeng mata ngalecer ceccer marga kobater
Guste
Allah se ngobasane sadaja ara
Nyo’on
jumambar ate sabbar
Gulung
bume, lempet langnge’
sagara
apoy, mergem ngagem
La
Ilaha Illallah Muhammad Rasulullah
Songenep, 27-06-2020
…………………………………………..
BABURUGA 1
Cong,
jembara dika atena
Celleppa
dika dhadhana
E
budhi are manossa sajan kaso
Mon
tapalang soko ekacethak, cethak ekasoko
Bila
pon napa’ ka baktona
Ja’
loppa dika ka Pangeranna
Sanonto,
dika gunna tao ka jalanna
Laggu’
sadhumalem moga tabukka’ atena
Ngarte
katojjuwanna
Cong,
Senga’
gi, Na’
Ja’
bur-lebur ka kalambi karagana
Dika
kodu nyedding ka atena
Pote
ta’ nanto socce, celleng ta’ masthe petteng
Songenep, 01-06-2019
…………………………………………..
*) Laher e Sumenep, 05 Mei 1982. Alumnus PP
Tarate, Pandian, Sumenep. Ngabdi neng e Lakpesdam MWC NU Manding tor daddi
wartawan TV.
Tidak ada komentar:
Posting Komentar