;  |
| Sumber: g/ lukisanku.id |
ONGKEP
ondem
cellemg ngarambang ta’ aghuli
tong-batong
ngongghut e daja
angen
ceddhu sengka ajhalan
dadaunan
acora’ tedung seyang
elop
nalekop
hawa
ongkep ate sowap
ngantos
papareng dari Se Kobasa
mabacca
bheme se ampon nyarbhu.
Mekkasan,
6 Nopember 2015
SYI’IR
TELLASAN
(Kaator
da’ P. Agus Imawan)
dompet
reng soghi lakar kepa’
tape
e bank sempenan possa’
kartu
epateres pessena nanca’
ana’
bine pada mesem ka bapa’
tellasan
sakejjha’ agghi’ dapa’
dhusa
kaula ka ajunan possa’
sapora’aghi
sadhaja tengka se ta’ teppa’
nyopre
se ataretan sajan sepa’
(Kaula
sana’ bharajha’, 16-7-2015)
MALEMAN
E
maleman salekor
kabanjiran
sarabhi ban kocor
E
maleman saghame’
Kadatengngan
kolek-palotan ta’ sakone’
E
maleman pettolekor
Katamoyan
nase’ ban opor
bannya’
ta’ kacator
Tape,
adu embu’
E
tellasan petto’
Topa’-opor
ta’ hadir ka compo’
Sanaos
settong sobung nyongngo’
Mekkasan,
Juli-2017
OBANG
obang
lakar masenneng
jhugha
ta’ rangrang
aghabayan
saleng selang
anggota
WA DOKAR saleng pakrannang
kor
jha’ sampe’ saleng nantang
nyopre
ta’ dhaddhi perrang
Mekkasan,
Juni 2017
AENG
DARI LANGNGE’
babuteran
aeng
ghangghar
dari langnge’
se
sateppong: arbun
se
sabijjhan: rese’
se
sajhaghung: ojhan
aman
ka manossa
Alhamdulillah
se
ghagghar ta’ akadhi nyeyor
Ghuste
Allah Maha Rahman
Mekkasan,
Desember, 2017
PALEGGHIRAN
Gharidu
palegghiran
nyrebit
kangan nyrebhit kacer
sokkor
pada buso’
dada
jhembhar
leggha
tada’ se ngoso’
sampe’
pada lesso
lapar
ghi’ bhuru ekarassa
santa’
ka dapor
kaso
mokka’ kobhali
kaso
mokka’ sobbluk
bherse
la ta’ melo
nyorne’
kamar
bada
se tedung makalero
ebukka’a...?
Mekkasan,
21 Nopember 2016
MOLODHAN
bhume
tagher langnge’ agaledder
orkes
kasida saleng pajaggur
nyolek
ghandhangnga kopeng
tape’
ate bhunga
ngeding
aghi bhabhara
Kanjeng
Nabi Muhammad
Zainal
ambiya’
Ngarep
syafa’at dari Khatamul Ambiya’
sadhaja
dhadha aran ampon ecercer eparanta
ngantos
ba’da maghrib
koceng
ngonggut dhem-peddheman alerek
pola
me’ bada bherkat se tabukka’
kaula
jhugan ampon nyecel bhunga
settong
bherkat ampon bisa earep
Mekkasan,
08 Januari 2019
Abd. Roziq, lahir 1957
di bukit Korèbhan, desa Larangan luar, Kec. Larangan, Kab. Pamekasan, Madura,
dari keluarga petani. Masa kecil sampai tamat SD & MI dihabiskan di desa
kelahiran bersama orang tua. Setamat SD & MI merantau hidup mandiri di Pesantren
Al Asy'ariyah di Kec. Galis, Pamekasan sambil sekolah PGAN 4 tahun Pamekasan
(setingkat SLTP). Akhir 1983 diterima
mengajar di Universitas Madura, dan
terhitung ssejak tanggal 1 Maret 1984 diangkat sebagai dosen PNS diperbantukan
di Universitas Madura. Tahun 1989 - 1999 diserahi tugas sebagai Dekan FKIP.
Tahun 1999-2013 dipercaya sbg PR II. Th 2013-2017 terpilih sebagai Rektor.
Tahun 2018 sampai sekarag dipilih sebagai Sekretaris Yayasan Universitas
Madura. Kini tinggal di Kelurahan Lawangan Daya, Pademawu, Pamekasan.
Tidak ada komentar:
Posting Komentar