 |
| Gambar Source: Subaidi Pratama |
Katerbi’an
:Kom. Persi
(Iksabad)
Mosem nemor agante
bara’
Angen ngalesser
ngabber dha’ bara’
Sanonto ampon dhapa’
dha’ katerbi’anna dika
Bula ban ca-kanca
padha bunga ageppa’
dhadha
Amarga dika akadi
lebunna mano’
Sabban are sabban
malem nyocore sokma
Mateddhas pekkeran
sarangkang se gali padhana baja
Salanjangnga nyaba
bula adu’a
Sanajjan sowara
elang eontal ojan
Ban nyapcabba aeng
mata daddi sagara
Kaangguy nyerrong
dika dhari bala’ ban
coba’an
Nyamana dika atoles
e mempe
Nyonar e ate, ro’om
akadi malathe
Laggu’ moga’a
nyongjung langnge’
Agiba aros bunga se
taselpet epadduna tase’
Sanonto gun coma
damar kambang
Ngellap ngocernang e
dhadha
Kalaban kodhung
cangker agentang
Bula ngoca’ amin,
amin, amin!
Sambi ngosap mowa se
talebat bunga
Malang, 2016
Pangarep
-KH Busyro Karim
Pangarep abdina
akadi ojan
se mabacca bume
Agili ta’ bu-ambu
sabban are
Moga ajunan daddiya
langnge’
Agentang-akorong
majunge tase’
Olle ra’yat
Songennep samporna
Alangngoy sagara
odhi’na
Jadhung, 2015
Subaidi Pratama,
Lahir di Dungkek, Sumenep, 11 Juni 1992.
Aktif di Komunitas
Persi Pondok Pesantren
Annuqayah Daerah Lubangsa 2010. Saat ini
bergiat di Komunitas Sastra Malam Reboan di
Kota Malang.
Tidak ada komentar:
Posting Komentar